३९ वर्षमा आमा बनिन् ‘टेलिभिजन क्वीन’ दृष्टि

मुम्बई । भारतीय टिभी सिरियलकी चर्चित पात्र दृष्टि धामी आमा बनेकी छिन् । ३९ वर्षको उमेरमा उनले छोरीलाई जन्म दिएको भारतीय सञ्चार माध्यमले जनाएको छ । उनले गर्भवती भएको १० महिनामा सन्तान जन्माएकी थिइन् ।

दृष्टि आफैंले सामाजिक सञ्जाल मार्फत आमा बनेको खुसीयाली शेयर गरेकी थिइन् ।

मुम्बईमा बस्दै आएकी दृष्टि अभिनयमा प्रवेश गर्नु अघि डान्स इन्स्ट्रक्टर थिइन् । मोडलिङबाट करिअर सुरु गरेकी दृष्टिले दिल मिल गए, गीत, मधुबाला, एक था राजा एक थी रानी, सिलसिला बदलते रिश्तो का जस्ता टिभी सिरियलमा काम गरेकी छिन् । त्यसो त उनी डान्स रियालिटी शो ‘झलक दिखला जा ६’ कि विजेता पनि हुन् । उनले सन २०१५ मा व्यवसायी निरज खेमसंग विवाह गरेकी थिइन् ।