टिकट किन्दै दर्शक बटुल्दै लाज शरणम टिम

काठमाडौं । दोस्रो पुस्ताका कमेडिन टिमले बनाएको फिल्म ‘लाज शरणम’ व्यापारिक रुपमा असफल भएपछि निर्माता टिकट किन्दै दर्शक बटुल्न थालेका छन् । 

केही दिन हलमा टिकायो भने दर्शक फेरि आउछ कि भन्ने आशमा अहिले फिल्म निर्माण टिमले आफैंले टिकट किन्दै चिनजानका मान्छेलाई हलमा पठाएका छन् ।

कुमार कट्टेलको निर्देशन रहेको उक्त चलचित्रबारे आम दर्शकले नकारात्मक टिप्पणी गरेपछि लगानी उठाउन सकेको छैन । कतिपय फिल्ममा हलमा लागेको केही दिनपछि दर्शकको चाप हुने भएकाले पनि लाजशरणम टिम अहिले गोजीको पैसा हालेर फिल्मको टिकट बाँडिरहेको छ ।

फिल्मको निर्देशन पक्ष कमजोर रहेको टिप्पणी हुनुको साथै सीताराम कट्टेल धुर्मुसको ओभरएक्टिङले फिल्म बिग्रिएको गुनासो दर्शकले गरेका छन् । बिजय बराल, महेश त्रिपाठी, मुकुन्द श्रेष्ठलगायतका कलाकारको अभिनय रहेको उक्त चलचित्रमा काठमाडौं महानगरपालिका प्रमुख बालेन शाहले गीत गाएका छन् ।