यस्तो थियो हिन्दी फिल्ममा पहिलो चुम्बन

मुम्बई । हरेक वर्ष फ्रेब्रुअरी १३ लाई किस डे अर्थात चुम्बन दिवसको रुपमा मनाउने चलन छ । प्रेम एवं स्नेहको भाव बुझाउने तरिका बलिउडमा पनि खुब चलन चल्तीमा आएको छ । समय परिवर्तनसँगै हिन्दी चलचित्रमा पनि चुम्बनका दृष्य सामान्य हुँदै आएको छ । यति हुँदा हुँदै पनि कतिपय फिल्म चुम्बनको दृष्यकै कारण विवादमा आए । केही नायक नायिका विवादमा पनि परे ।

बलिउड फिल्ममा पहिलो चुम्बनको दृष्य सन १९३३ मा बनेको फिल्म ‘कर्मा’ मा राखिएको थियो । उक्त चलचित्रमा चार मिनेट लामो चुम्बनको दृष्य थियो । देवकी रानी र हिमांशु रायले चुम्बनको दृष्य दिएका थिए । तत्कालिन समयमा निकै बोल्ड सिन मानिएको थियो । त्यसो त उनीहरु रियलमा श्रीमान श्रीमती थिए ।

सबै भन्दा धेरै चुम्बनको दृष्य रहेको फिल्म ‘थ्रीजी’ हो । सन २०१३ मा रिलिज भएको उक्त फिल्ममा नितिन मुकेश र सोनल चौहानले काम गरेका थिए । उक्त फिल्ममा चुम्बनको मात्रै ३० सिन थियो । तर, पनि उक्त फिल्मले बक्स अफिसमा खास प्रभाव पार्न सकेन । रणबीर सिंह र वाणी कपुरले अभिनय गरेको ‘बेफिक्रे’मा पनि २५ सिन चुम्बनकै थियो ।

दिवंगत अभिनेता सुशान्त सिंह राजपुतको सन २०१३ मा आएको फिल्म ‘शुद्ध देसी रोमान्स’ मा द्दठ वटा चुम्बनको दृष्य थियो । यस फिल्ममा बाँणी कपुर र परिणीति चोपडाले अभिनय गरेका थिए ।