आठ रुपैयाँले दिन कटाउथिन् यी नायिका

मुम्बई । प्यारका पंचनामा, सोनु के तितु की स्वीटी, ड्रिम गर्ल, राम सेतुलगायतका फिल्ममा काम गरेकी नुसरत भरुचा अहिले सफल नायिकाको रुपमा चिनिन्छिन् । अहिले उनीसँग सबथोक छ । तर, कुनै बेला दुःख थियो उनलाई । यति सम्मकि एउटा समय ८ रुपैयाँले एकदिन चलाउथिन् । ‘मलाई यति गा¥हो थियो  ।  भोक लाग्दा पानी पिएर टार्थेँ ।

उनले जुहु स्थित जय हिन्द कलेज पढेकी थिइन् । जति बेला उनको बुबाको आर्थिक स्थिती खराब थियो । उनी भन्छिन ‘कलेज पढ्दा मेरो ९० प्रतिशत दिन दैनिक ८ रुपैयाँले चल्यो  ।’ उनको भनाई अनुसार उनी घरबाट २३१ नम्बरको बस चढेर जुहुमा रहेको  सान्तक्रुज रेल स्टेशन पुग्थिन्  । बसको भाडा थियो ४ रुपैयाँ  । त्यसपछि  रेल चढ्नु  पथ्र्यो । रेलको पास थियो । रेलबाट हिँडेरै  कलेज पुग्थिन्  ।  दिन भरी कलेजमै हुन्थिन् । कलेजमा पानी  फ्रि भएकाले समस्या भएन । बेलुका फर्किदा  त्यहि चार रुपैया भाडा तिर्थिन् ।

अहिले उनकी ९२ वर्षिय हजुरआमा, ७० वर्षका बुबा र ६२ वर्षकी आमा उनीसँगै  छन् ।  घरमा कुनै पनि कुराको अभाव हुन दिन्नन्  । जे चाहिन्छ खुसी भएर किन्छिन्     ‘कुनै बेला निकै अभाव झेलेकाले अहिले मलाई कुनै पनि सामान किन्दा असाध्यै खुसी भएर किन्छु ।’ उनले भनिन्  । यद्यपि उनीसँग त्यति धेरै बैंक ब्यालेन्स छैन । तर, सहज जीवन चलेकोमा खुसी छिन्  ।