दीपिका भन्छिन्–मलाई बाँच्ने मन थिएन, रोएर बसिरहन्थेँ

मुम्बई । दीपिका पादुकोण अक्सर स्वास्थ्यसंग सम्बन्धित विषयमा खुलेर कुरा गर्छिन् । हालै उनले कुरा गर्दै आफ्नो थेरापीलाई सँधै गोप्य राख्न चाहेको कुरा गरेकी छिन् । आफ्नो स्वास्थ्यको विषयमा मिडियाको ध्यान नपुगोस् भन्ने उनको चाहना थियो ।

‘द सीइओ’ म्यागजिनसँग कुरा गर्दै दिपिकाले भनेकी छिन् ‘म करिअरको उचाइमा थिएँ । सवथोक राम्रै चल्दै थियो । तर, सन २०१४ को एउटा बिहान काम गर्दा गर्दै म बोहोस भएँ । केही दिन पछि मैले थाह पाएँ मलाई डिप्रेशन भएको रहेछ ।’

त्यसवेला मुम्बईमा एक्लै बसेकी उनले यस विषयमा कसैलाई जानकारी दिइनन् । उनी भन्छिन् ‘जब ममी आउनु भयो । केही दिन बसेर जानु भयो । मलाई रुन मात्रै मन लाग्यो । पुरै दिन नरमाइलो लाग्यो । बाँच्ने इच्छा नै भएन ।’

ज्ब उनले आफुलाई डिप्रेशन र एन्जाईटी भएको अनुमान गरिन् । थेरापिस्टको सल्लाह लिन थालिन् । ‘म चाँहन्थेँ कि मेरो स्वास्थ्यको बारेमा अरुलाई थाहा नहोस् ।’ जब आफु ठिक हुँदै गइन् उनलाई लाग्यो यस्तो विषयमा खुलेर कुरा गर्नुपर्छ ।’ डिप्रेसन भए पछि नै दीपिकाले ‘लिव लव लाफ’ फाउण्डेशन सुरु गरेकी छिन् । जुन संस्थाको उद्देश्य मानसिक बिरामीका लागि सहयोग गर्ने रहेको छ ।