स्वरा भन्छिन् ‘म बलिउडको कालो सूचीमा छु’

मुम्बई । यसमा कुनै शंका छैन स्वरा भास्कर एक सर्वोत्कृष्ठ अभिनेत्री हुन् । उनको अभिनयको तारिफ पनि हुने गरेको छ । कुनै पनि मुद्दामा स्पष्ट रूपमा बोल्ने स्वरा सामाजिक सञ्जालमा पनि बेला मौकामा फरक अडान लिन्छिन्, उनलाई भिडको खास सरोकार हुन्न । त्यही कारण होला उनलाई मन पराउने वा नपराउने उनको कुरा ध्यान दिएर सुन्छन् । 

विन्दास अभिव्यक्तिकै कारण कतिपय सन्दर्भमा गाली समेत खाएकी छिन् । राम्री अभिनेत्री हुनुको साथै केही राम्रा फिल्ममा काम समेत गरेकी स्वराको अहिले कुनै फिल्म आएको छैन । यसो हुनुमा उनी बलिउडले आफुलाई बाइकट गरेको धारणा राख्छिन् ।

बीबीसीमा केही अघि दिएको अन्तर्वार्तामा उनले बलिउडप्रति रोश व्यक्त गरिन् । ‘मलाई बलिउडले कालो सूचीमा राखेको छ ।’ उनले भनिन् । ‘मैले भारतको राजनीतिका विषयमा जस्तो टिप्पणी गरेँ यो त्यसैको प्रतिफल हो र यस्तै हुन्छ भन्ने मलाई थाहा थियो ।’