सुनिताकाे नयाँ गीत ‘ओ बड्डा' सार्वजनिक

काठमाडौँ, २ माघ । गायिका सुनिता दुलालको नयाँ गीत ‘ओ बड्डा सार्वजनिक भएकाे छ । उनले आफ्नै अफिसियल युट्युब मार्फत गीत सार्वजनिक भएकाे हाे ।

शब्द तथा सङ्गीत चक्र बमकाे रहेको गीतमा बमले स्वरमा पनि साथ दिएका छन् । गीतमा श्यामश्वेत रसाइलीले एरेन्ज गरेका छन् । सुदुर पश्चिमेली शैलीमा तयार गीतको भिडियोमा गायिका दुलाल अञ्जली अधिकारी, दिलीप रायमाझी र चक्र बमले अभिनय गरेका छन् ।

डान्सिङ शैलीमा तयार गीतको भिडियोको कोरियोग्राफी तथा निर्देशन गम्भीर बिष्टले गरेका हुन् । भिडियोमा नवराज उप्रेतीको छायाङ्कन र प्रविन भट्टको सम्पादन रहेको छ । स्टेज कार्यक्रममा व्यस्त सुनिताकाे 'ओ बड्डा' गाइरहेकाे भन्दा फरक शैलीकाे गीत छ । शब्द चयनमा निकै ख्याल गर्ने सुनिताकाे नयाँ  गीतमा सुदुरपश्चिमकाे लवज प्रस्तुत गरिएकाे छ ।