सलमान भन्छन् –अब जान्हवी सँग काम गर्न मन छ

मुम्बई । सलमान खानको अभिनय रहेको हिन्दी चलचित्र सिकन्दर ३० मार्चमा रिलिज हुने भएको छ । जुन फिल्ममा सलमानले रश्मिका मन्दानासँग रोमान्स गरेका छन् । उनीहरुको उमेर अन्तर ३१ वर्ष रहेको छ ।

उमेर अन्तरकै विषयलाई लिएर धेरैले नेगेटिभ कमेन्ट पनि गरे । तर, ति प्रतिक्रिया सुनेर सलमान निराश भएनन् । उनी भन्छन् ‘अब म जान्हवी कपुर वा अनन्या पाण्डेसँग काम गर्न चाहन्छु ।’ उनले भने ।

उमेर अन्तरको विषयमा पटक पटक प्रश्नको सामना गरेका सलमानले सिकन्दरको टे«लर लञ्च कार्यक्रममा भने ‘जब हिरोइनलाई तनाव छैन भने मिडियालाई किन टेन्सन ?’ उनले यो पनि भने ‘अहिले मात्रै होइन । जब उनीहरुको विवाह हुन्छ, बच्चा हुन्छ, आमा बन्छन् त्यसपछि पनि म काम गर्छु ।’

सिकन्दरको निर्देशन एआर मुरुगदासले गरेका छन् । सलमान रश्मिकाको अतिरिक्त काजल अग्रवाल, शरमन जोशी, प्रतिक बबरलगायतले पनि काम गरेका छन् ।