रामचन्द्र काफ्लेको गीतमा रिमा विश्वकर्माको अभिनय

काठमाडौं,२६ मंसिर । गायक रामचन्द्र काफ्लेको अनु चौधरीसँगको नयाँ गीत ‘ओई सुवा, ओई बाज’ को म्यूजिक भिडियो सार्वजनिक भएको छ । धनगढि महोत्सवमा एक कार्यक्रम माझ सार्वजनिक गरिएको उक्त गीतका गीतकार मंगल जयगडि रहेका छन् भने यसका संगीतकार राजेश कैदि रहेका छन् । 

यस गीतमा संगीत ब्यवस्थापन (एरेन्ज) संगीतकार शिशीर साधकले गरेका छन् तथा म्यूजीक भिडीयो मा पाश्र्व संगीत कीरण तुलाधरले दिएका छन् ।

मिलन शंकरद्वारा छायांकित म्यूजिक भिडियोको सम्पादन नहकुल खड्काले गरेका छन् । विभोर पोखरेल द्वारा निर्देशित यस गीतको म्यूजिक भिडीयोमा सुनिल थापाका साथै रीमा विश्वकर्मा, बिवेक पौडेल, निकेन महर्जन तथा नवोदित चरित्र अभिनेता मिरेश अधिकारीको अभिनय रहेको छ ।