रकुल प्रित भन्छिन्–कम्फर्ट जोन नै हाम्रो लागि दुश्मन

मुम्बई । बलिउड नायिका रकुल प्रीतले सोशल मीडिया मार्फत प्रेरणादायी भनाई सार्वजनिक गर्न थालेकी छिन् । उनले लेखेकी छिन् ‘हामी कम्फर्ट जोनबाट निस्केर काम गर्न सक्नु पर्छ ।’

अहिले रकुल आगामी फिल्म ‘मेरे हस्बेण्ड की बीबी’ का कारण चर्चामा छिन् । उनले सामाजिक सञ्जालमा लेखेकी छिन् ‘कम्फर्ट जोन हामीलाई राम्रो त लाग्छ तर, यसैको कारण हामी अघि बढ्न सक्दैनौं ।’ उनले लेखेकी छिन् ‘कम्फर्ट जोन नै तपाइका लागि दुश्मन हो । यो एकदमै राम्रो ठाउँ हो तर, यसैको कारण तपाईको प्रगति हुन्न ।’ उनको भनाई फ्यानहरुले निकै मन पराएका छन् ।

एक अन्तरवार्तामा उनले भनेकी थिइन् ‘ सानैदेखि हिन्दी फिल्ममा करिअर बनाउने उनको सपना थियो । सन २०१४ मा बनेको फिल्म ‘यारियाँ’ बाट उनले करिअर सुरु गरेकी थिइन् ।

रकुल, अर्जुन कपुर र भुमि पेडनेकरले अभिनय गरेको ‘मेरो हस्बेण्ड की बीबी’ २१ फेब्रुअरीमा प्रदर्शन हुने भएको छ । यसको निर्देशन कमान मुदस्सर अजीजले गरेका छन् ।