नेपालमा रश्मिका र अल्लु अर्जुनकाे क्रेज

बहुप्रतिक्षित दक्षिण भारतीय फिल्म ‘पुष्पा-२’ नेपालमा प्रदर्शनमा सुरु भएकाे छ। अल्लु अर्जुन र रश्मिका मन्दानाको मुख्य भूमिका रहेको यो फिल्म आजदेखि नेपाली  हलमा लागेको हो ।

नेपाली हलहरुबाट पहिलो दिनका लागि ५९१ शो उपलब्ध गराएका छन् । अब केही दिन कुनै पनि नेपाली सिनेमा सिनेमा हलमा प्रदर्शन हुने छैनन् ।  बिहान  पौने ४ देखि राति १२ बजेसम्मका  फिल्मकाे शाे राखिएकाे हल सञ्चाललकाे भनाई छ ।

शनिबारसम्मका अधिकांश टिकट बिक्री भैसकेकाे छ । सुकुमारको लेखन र निर्देशन रहेको यस फिल्ममा अल्लु अर्जुन र रश्मिका मन्दना मुख्य भूमिकामा छन्। साथै फरद फासिल, धनञ्जय, राव रमेश, सुनील, अजय घोषलगायतको अभिनय छ। नवीन येर्नेनी र रविशंकर यममाञ्चिली फिल्मका निर्माता हुन्।