म्युजिक भिडियाेमा सुधांशु जाेशीकाे अभिनय

काठमाडौं, २ माघ । लामो समयदेखि अमेरिकामा बस्दै आएका अभिनेता तथा फिल्म निर्माता सुधांशु जोशी  म्युजिक भिडियोमा अभिनय गरेका छन् ।

गायक प्रनिस राईको स्वर तथा शब्द रचनामा सार्वजनिक ल्याम्बोर्गीनी बोलको  र्‍याप शैलीको गीतको भिडियोमा देखिएका हुन्। यो गीत भिडियो  हालै सार्वजनिक भएको हो।

भिडियाेमा त्रिकोणात्मक प्रेम कथा र प्रतिशोधमा आधारित विषय उठान गरिएकाे छ। विकास बराईलीको निर्देशन र सम्पादन रहेको सो म्युजिक भिडियोमा अभिनेता सुधांशु जोशीका साथमा गायक प्रनिस र सरिता थगुन्नाको अभिनय रहेको छ।

कथा र पात्र सुहाउँदो विभिन्न दृश्य तथा स्थानले म्युजिक भिडियोलाई राेचक बनाएकाे छ। भिडियो अमेरिकामै छायांकन गरिएको छ। आशिष राई युट्युब च्यानलमार्फत सार्वजनिक सो म्युजिक भिडियो प्याट्रिक डीनको छायांकन रहेको छ।

सिमारेखा, याे मायाले लाैन सतायाे, विषालुलगायतका फिल्ममा अभिनय गरेका जाेशीले आफ्नै लगानीमा चलचित्र नेपाल बनाएका थिए ।