लाज शरणमा बालेनको र्‍याप

काठमाडौं । प्रदर्शनको तयारीमा रहेको चलचित्र ‘लाज शरणम्’ मा काठमाडौं महानगरपालिकाका नगरप्रमुख बालेन शाहको गीत रहेको छ ।

बालेनकै शब्द, संगीत र स्वरमा एउटा गीत राखिएको निर्माता अर्जुन घिमिरे ‘पाँणे’ ले बताए । बालेन र पाँणेको सम्बन्ध घनिष्ट छ । बालेन उम्मेदवार बनेको बेला पाँणे बालेनको टिममा थिए । पाँणेकै आग्रहमा बालेनले गीत गाएका हुन् भने सिनेमामा पाश्र्वगायनमा बालेनको यो डेब्यु फिल्म हो ।

कुमार कट्टेल जिग्रीको निर्देशन रहेको उक्त फिल्ममा बिजय बराल, सिताराम कट्टेल, अर्पन थापा, हरि निरौला, कमलमणी नेपाललगायतका कलाकारले अभिनय गरेका छन् ।