प्रधानमन्त्री ओलीले बाेलाए उच्चस्तरीय राजनीतिक संयन्त्रको बैठक

काठमाडाैँ । नेकपा एमालेका अध्यक्ष एवं प्रधानमन्त्री केपी शर्मा ओलीले सत्तारुढ दलको उच्चस्तरीय राजनीतिक संयन्त्रको बैठक बोलाएका छन्।

आइतबार साँझ ५ बजे बालुवाटारमा बस्नेगरी संयन्त्रको बैठक बोलाइएको प्रधानमन्त्रीको सचिवालयले जनाएको छ ।

बैठकमा सरकारले पछिल्लाे समय ल्याएकाे अध्यादेशलगायतका विषयमा छलफल हुने बताइएको छ।

कांग्रेस-एमालेकाे सरकारलाई सफल पार्न भन्दै गत कात्तिक १५ गते  प्रधानमन्त्री ओली र कांग्रेसका सभापति शेरबहादुर देउवासहितकाे उच्चस्तरीय राजनीतिक संयन्त्र बनाइएको थियो।

संयन्त्रमा कांग्रेसबाट कांग्रेस उपसभापति पुर्णबहादुर खड्का, महामन्त्री गगन थापा, गृहमन्त्री रमेश लेखक र परराष्ट्रमन्त्री आरजु राणा देउवा रहेका छन् भने एमालेबाट वरिष्ठ उपाध्यक्ष ईश्वर पोखरेल, उपाध्यक्ष तथा उपप्रधान तथा अर्थमन्त्री विष्णु पौडेल, एमाले महासचिव शंकर पोखरेल र उपमहासचिव विष्णु रिजाल रहेका छन् ।