५१ लागिन् करिष्मा मानन्धर

काठमाडौं । नेपाली फिल्म क्षेत्रकी सुन्दर अभिनेत्रीको रुपमा चिनिने करिश्मा मानन्धर ५० वर्ष पुरा भएर ५१ लागेकी छिन् । सन १९७४ को फेब्रुअरी ४ का दिन जन्मिएकी करिश्माले  १५ वर्षकै उमेरमा नेपाली चलचित्रमा अभिनय गरेकी थिइन् । वि.सं. २०४२ सालमा निर्माण भएको फिल्म ‘सन्तान’ मार्फत अभिनेत्रीको रुपमा डेब्यू गरेकी करिश्माले त्यसपछि आजका मितिसम्म पछाडि फर्किएर हेर्नु परेको छैन ।

करिश्माले आफ्नो अभिनय करियरमा सन्तान, मायालु, कस्तुरी, अरुणिमा, सपना, भाउजु, भाउजु, तपस्या, मिलन, सौता, चाहना, ट्रक ड्राइभर, परिभाषा, सारंगी, महादेवी, प्रतिक्षा, पहिलो प्रेम, करोडपति (विशेष भूमिका)लगायतका चलचित्रमा अभिनय गरेकी छिन् ।

अभिनयकाे अतिरिक्त निर्माणमा समेत सक्रिय करिश्मा निर्माताकाे रुपमा भने सफल हुन सकिनन् । उमेरमा पढन नपाएकाले ४० वर्षपछि स्कुले शिक्षाकाे पुन अध्यन गरेकी करिश्मा अहिले स्नातक अध्ययनरत छिन् ।

पूर्व प्रधानमन्त्री डा‌‍ बाबुराम भट्टराइले नयाँ शक्ति पार्टी निर्माण गर्दा स्थापनाकालदेखि जाेडिएकी करिश्मा अहिले नेकपा एमालेमा आबद्ध छिन् ।