तीन सन्तानका पितासँग रोमान्स गर्दै केट परी

सामाजिक सञ्जाल मार्फत सार्वजनिक भएको एक हाई–प्रोफाइल जोडीका  रोमान्टिक तस्बिरहरूले अहिले खुब चर्चा पाएको छ । क्रूजमा चुम्बन गरिरहेको जोडीको रोमान्टिक तस्बिरको व्यापक चर्चा छ अहिले ।

हामी क्यानडाका पूर्व प्रधानमन्त्री जस्टिन ट्रुडो (५३) र उनकी कथित प्रेमिका, हलिउड स्टार केट पेरी (४०) को बारेमा कुरा गर्दैछौं । यो जोडीले चुम्बन गरिरहेको तस्बिरहरू अनलाइनमा भाइरल भएको छ ।

सम्बन्ध विच्छेद गरेर बसेका पूर्व प्रधानमन्त्री, तीन सन्तानका बुबा हुन् । २०२३ मा सम्बन्ध विच्छेद भएदेखि नै नयाँ प्रेमको खोजीमा थिए उनी । यो नयाँ जोडीको बारेमा केही नभनिएका तथ्यहरू यस्ता छन् ।

केटी पेरीको कुल सम्पत्ति कति छ ?

हलिउड पप क्वीन केटी पेरी आफैंमा एक विश्वव्यापी ब्रान्ड हुन् । ‘रोर,’ ‘फायरवक्र्स’ र ‘डार्क हर्स’ लगायतका उनका लोकप्रिय ट्र्याकहरू विश्वव्यापी रूपमा हिट छन् । उनका गीतहरूले उनलाई प्रसिद्धि दिएका छन् ।

फोब्र्सका अनुसार, केटीको कुल सम्पत्ति अहिले ४० करोड डलर रहेको छ । केटीले आफ्नो गीतको अधिकार २२ करोड ५० लाख डलरमा बेचेकी छिन् ।
यो सम्झौता पछि, केट विश्वको सबैभन्दा धनी गायिकाहरूमा पर्छिन् । उनीसँग लक्जरी कार संग्रह पनि छ। 

यसमा मर्सिडीज–बेन्ज पोन्टन क्याब्रिओलेट, टेस्ला साइबरट्रक, कस्टम मिनी कूपर र फिस्कर कर्मा समावेश छन् । उनीसँग मोन्टेसिटो, बेभर्ली हिल्स र लस फेलिज जस्ता विलासी क्षेत्रहरूमा पनि हवेलीहरू छन् ।

जस्टिन ट्रुडो र केटी पेरीको पहिलो भेट

क्यानाडाका पूर्व प्रधानमन्त्री जस्टिन ट्रुडोले २००५ मा सोफी ग्रेगोइरसँग विवाह गरे र २०२३ मा सम्बन्ध विच्छेद गरे ।

यो जोडीका विवाहबाट तीन सन्तान छन् । पारस्परिक सम्बन्ध विच्छेद पछि, उनीहरूले छोरालाई सँगै हुर्काइरहेका छन् ।

उमेरमा १३ वर्षको फरक 

मोन्ट्रियलको एक रेस्टुरेन्टमा सँगै खाना खाएको देखिएपछि उनीहरूको अफेयरको खबर फैलिन थाल्यो । केटले २०१६ मा ओर्लान्डोसँग डेट गर्न थालेकी थिइन्, तर अर्को वर्ष २०१७ मा उनीहरूको ब्रेकअप भयो ।

तर उनीहरू २०१८ मा पुनर्मिलन भए । केट र ओर्लान्डोले २०१९ को भ्यालेन्टाइन डेमा इन्गेजमेन्ट गरे र २०२० मा छोरीलाई जन्म दिए । यस वर्ष केटले अभिनेता ओर्लान्डो ब्लूमसँग सम्बन्ध विच्छेद गरिन् । २०१० मा बेलायती हास्य कलाकार रसेल ब्रान्डसँग भएको उनको पहिलो विवाह एक वर्ष मात्र टिकेको थियो ।