जान्हवी भन्छिन् –स्पिडमा कुदाएको गाडीले दुर्घटना गराउदा रिस उठ्छ

मुम्बई । बलिउड अभिनेत्री जान्हवी कपूरले वडोदरामा भएको कार दुर्घटनाका विषयमा प्रतिक्रिया दिँदै आफुलाई यस्ता घटनाले दुःखी र आक्रोशित बनाउने बताएकी छिन् ।

उक्त दुर्घटनामा एक महिलाको मृत्यु भएको थियो भने चार जना गम्भीर घाइते भएका थिए । रक्षित चौरसिया नामका एक २० वर्षीय युवकले चलाएको कारले ठक्कर दिँदा उक्त दुर्घटना भएको थियो । कार प्रतिकिलोमिटर १२० को स्पिडमा थियो भने युवक नशामा भएकाले दुर्घटना भएको प्रतिक्रिया सार्वजनिक भएको छ ।

प्रहरीले युवकलाई नियन्त्रणमा लिएर चेक जाँच गरे पनि नशामा भए नभएकोबारे जानकारी दिएको छैन ।

दुर्घटनापछि भारतमा लापरवाह ड्राइभिङ र सडक सुरक्षामाथि चिन्ताहरू जनाएका छन् । 

चौरसियाले भने आफुले चलाएको गाडी खाल्डोमा फसेको र त्यहि बेला एअरव्याग खुल्दा आफुले केही नदेखेको अनि दुर्घटना भएको प्रतिक्रिया दिएका छन् ।