अर्थमन्त्री भन्छन्-राजस्व उठाएर खर्च धान्न सकस पर्याे

काठमाडाैं ।  उपप्रधानमन्त्री एवं अर्थमन्त्री विष्णु पौडेलले सरकारलाई राजस्व उठाएर खर्च धान्न सकस परेको बताएका छन् । 

प्रतिनिधिसभाको आइतबारको बैठकमा बोल्दै मन्त्री पौडेलले राजश्वले खर्च धान्न धौधौ भएको कारण चालु आर्थिक वर्षको विनियोजनमा अनिवार्य दायित्वका शीर्षकमा समेत न्यून बजेट विनियोजन गरिएको बताए ।

३१ प्रतिशत राजश्व उठाउने लक्ष्य राखे पनि अनिवार्य दायित्वअन्तर्गतका शीर्षकमा न्यून बजेट विनियोजन गरिएको उनको भनाइ छ। 

राजश्वले साधारण खर्च  धान्न  धौधौ भइरहेको जानकारी दिँदै उनले  यस्तो अवस्थामा हामीले बजेट निर्माण गर्दा अनुशासनतर्फ फर्किनका लागि विलम्व भइसकेको बताए । 'हामीले विलम्ब गर्नु हुँदैन। अब  बजेट निर्माण गर्दा अनुशासनतर्फ फर्किनुपर्ने  छ ।' उनले भने 'अभिभारालाई गम्भिरतापूर्वक महसुश गर्नुपर्छ भन्ने मर्ममा उभिएर यो संशोधन विधेयक आएको कुरा म निवेदन गर्न चाहान्छु,' । 

उनले चालु आर्थिक वर्षमा विकास निर्माणका थप ११ हजार योजना थपिएकै कारण सुनिश्चितता गर्न गाह्रो भएको बताए।