हलमा ‘वर एण्ड वधु’

फ्राइडे रिलिज अन्तर्गत  शुक्रवारदेखि देशभरका सिनेमा हलमा नयाँ नेपाली फिल्म ‘वर एण्ड वधु’ प्रदर्शनमा आएको छ ।

मिलन चाम्सद्वारा निर्देशित ‘वर एण्ड वधु’ ले देशका ठूला मल्टिप्लेक्सहरुदेखि सिंगल थिएटरसम्म राम्रो शो पाएको छ । 

यो फिल्मको यही साता पोखरा तथा ललितपुरमा गरिएको प्रीमियर शोमा दर्शकले यसलाई राम्रो प्रतिक्रिया दिएका थिए । प्रीमियरमा पाएको प्रक्रियाले आफूहरूमा थप उत्साह ल्याएको निर्देशक चाम्सको भनाइ छ । ट्रेलर रिलिजपछि यो फिल्म चर्चामा छ ।

रोमान्टिक कमेडी जनराको यो फिल्म एलआरके इन्टरटेन्मेन्टको व्यानरमा निर्माण गरिएको हो । फिल्मका कार्यकारी निर्माता अमित रिजाल हुन् । यो फिल्मको छायांकन नेपाल, रोमानिया, फ्रान्स, इटाली र स्पेनमा गरिएको छ ।

फिल्ममा आँचल शर्मा, विवेक कर्माचार्य, विजय लामा, किरण केसी, रविन्द्र खड्का, हिउँवाला गौतम, सरिता लामिछाने, अन्सु महर्जन, दिनेश काफ्ले, यमन श्रेष्ठ, श्रृष्टि खड्का, हिमेश पन्त, कुसुम शर्मा, सीता न्यौपाने, गरिमा शर्मालगायतको अभिनय छ ।