एलिना चाैहानले गरिन् श्रीमानविरुद्ध सम्बन्धविच्छेदको मुद्दा दायर

काठमाडौं । विवाह भएको नौ महिनापछि गायिका एलिना चौहानले सम्बन्धविच्छेदको मुद्दा दायर गरेकी छिन् ।

अष्ट्रेलियामा वसोवास गर्दै आएका विष्णु सापकोटासंग गत वैखाश ७ गते एलिनाले विवाह गरेकी थिइन् ।

पति विष्णु सापकोटालाई विपक्षी बनाएर चौहानले काठमाडौं जिल्ला अदालतमा सम्बन्धविच्छेद मुद्दा दायर गरेकी हुन् ।

पतिले चरित्रमाथि नै प्रश्न उठाएको भन्दै एलिनाले सम्बन्धविच्छेद मुद्दा दायर गरेको एलिनाको भनाई छ ।

पछिल्लो समयकी व्यस्ता गायिका एलिना स्टेश शोका लागि लोकप्रिय मानिन्छिन् । श्रीमानको कारण करिअरमै असर पर्ने भएपछि सम्बन्ध विच्छेदको प्रकृया अगाडी बढाएको उनका आफन्तको भनाई छ । ‘कार्यक्रमको शिलसिलामा कँही जाँदा विष्णुले फोन गरेर हैरान गर्थे, श्रीमानको व्यवहारकै कारण एलिना तनावमा थिइन् ।’ नाम उल्लेख नगर्ने सर्तमा एलिनाका एक आफन्तले भने ।