बंगलादेशी नायिकालाई देशद्रोहको मुद्दा

एजेन्सी । बंगलदेशी नायिका मेहर आफरोज शान पक्राउ परेकी छिन् । बिहीबार साँझ उनलाई ढाका प्रहरीले पक्राउ गरेको मिडिया रिपोर्टमा उल्लेख छ । देशद्रोहको अभियोगमा उनलाई पक्राउ गरिएको प्रहरीले जनाएको छ । अतिरिक्त प्रहरी कमिश्नर करीम मलिकले ढाका ट्रिब्युन संग कुरा गर्दै बिहीबार राती नायिकालाई पक्राउ गरेर धानमण्डी हिरासतमा राखेको जानकारी दिए ।

मेहर ति फिल्मकर्मी हुन् उनी कुनै पनि कुरा निर्धक्क राख्छिन् । उनले मोहम्मद युनुस नेतृत्वको अन्तरिम सरकारको आलोचना गरेकी थिइन् ।

अघिल्लो निर्वाचमा आवामी लीग पार्टीको उम्मेदवारको रुपमा च्ुनाव लडेकी ४३ वर्षिया मेहर गायिका एवं निर्देशक पनि हुन् । गायनमा उनले बंगलादेशको नेशनल अवार्ड समेत पाएकी छिन् । बाल कलाकारबाट उनले अभिनय सुरु गरेकी थिइन् ।

उनलाई गिरफ्तार गर्नु अघि जमालपुरमा रहेको उनको घरमा आक्रमण भएको थियो । विद्यार्थी र स्थानियले नोरुडी रेलवे स्टेशन नजिकै रहेको उनको घर आगो लगाएर ध्वास्त पारिदिएका थिए । उनका बुबा इन्जिनियर मोहम्मद अलीले अघिल्लो निर्वाचनमा आवामी लीगबाट उम्मेदवारको रुपमा मनोनयन दर्ता गराएका थिए भने आमा बेगम तहुरा अलि आरक्षित महिला सिटमा दुई कार्याकाल सांसद भएकी थिइन् ।