अर्सि खान भन्छिन् ‘खेसारी लाल धोकेबाज रैछन्’

भोजपुरी स्टार खेसारी लाल यादबसंग काम गरेकी नायिका अर्सि खानले खेसारी लाल धोकेबाज भएको आरोप लगाएकी छिन् । उनले बलिउड फिल्म ‘अन्दाज’ भोपुरी रिमेकमा काम गरेकी थिइन् ।

सुटिङको समयमै नरमाइलो अनुभव गरेको भन्दै अर्सिले खेसारी लालले पोष्टरबाट आफ्नो तस्विर हटाएको आरोप लगाएकी छिन् । ‘मैले सम्झौतामा उल्लेख भएका सबै सर्त पूरा गरेँ । तर, खेसारी लाले धोका दिए ।’ अर्सिले भनेको उल्लेख गर्दै भारतिय मिडियाले लेखेको छ । खेसारी लालले भने यस विषयमा अहिलेसम्म कुनै प्रतिक्रिया दिएका छैनन् । त्यसो त खेसारी लालमाथी धोक धडीको आरोप लागेको यो पहिलो पटक होइन । नायिका काजल राघवानीले पनि यसअघि खेसारी लालले विवाह गर्छु भन्दै पाँच वर्ष प्रेम गरेको अन्तिममा धोका दिएको आरोप लगाएकी थिइन् ।

अर्सि आफैंमा विवादमा रमाउने पात्र हुन् । उनी चर्चामा आउनका लागि पनि विभिन्न फण्डा निकालिरहन्छिन् । सलमान खानको मेजमानीवाला विवादित रियालिटी शो ‘बिग बोस ११’ बाट अर्सि चर्चामा आएकी थिइन् । सन २०२२ मा बनेको चलचित्र ‘त्राहिमाम’ मा उनले अभिनय गरेकी थिइन् ।