- भदौ ०२, २०८१
समयआवाज संवाददाता
काठमाडौं। गायिका एलिना चौहान र विष्णु सापकोटाबीच सम्बन्धविच्छेद भएकाे छ।
एलिनाले दायर गरेकाे सम्बन्धविच्छेदकाे मुद्दा मंगलबार जिल्ला अदालत काठमाडौँले टुंगाे लगाएकाे हाे। एलिना र विष्णुका परिवार उपस्थित भएर सम्बन्धविच्छेद पत्रमा हस्ताक्षर गरेका हुन्।
एलिनाले अष्ट्रेलियामा बसोबास गर्दै आएका विष्णु सापकोटासँग गत वैशाख ५ गते विवाह गरेकी थिइन्। उनीहरुबीचको वैवाहिक सम्बन्ध ९ महिनामै टुङ्गिएकाे हाे।
सम्बन्धविच्छेदपछि एलिनाले सामाजिक सञ्जालमार्फत विष्णुलाई बाँकी जीवनको लागि धेरै शुभकामना दिएकी छन्।
उनले आफूहरुकाे सम्बन्धमा अल्पायुमै पूर्णविराम लागेको उल्लेख गरेकी छन्। एलिनाले सम्बन्धविच्छेद रहरले नभइ बाध्यताले भएकाे बताएकी छन्।
उनले लेखेकी छन्
प्रिय बिष्णु,
अग्निलाई साक्षी राखेर ७ फेरा लगाउदा गलेका खुट्टाहरु अझै उस्तै छन्।
तिम्रो हातले रंगिएको मेरो सिउदो अनि सिन्दुरका डोबहरु अझै उस्तै छन्।
तिम्रा नाममा लगाएका हातभरिका चुरा अनि छिनछिन आवाज अझै उस्तै छन्।
हामीलाई दुईबाट एक बनाएको सेतो लगनको गाँठो अझै उस्तै छ।
वडा कार्यालयमा गएर बनाएको हाम्रो विवाहदर्ताको प्रमाणपत्र अझै उस्तै नयाँ छ।
तर फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह होईन रहेछ।
भावनात्मक मिलन, आपसी विश्वास र समझदारी नै विवाहको मुख्य प्राण रहेछ।
जुन रहेन अनि हाम्रो सम्बन्धमा अल्पायु मै पुर्णविराम लागेको छ। यो रहरले होईन। जुन बाध्यता तिमि, मलाई र भगवानलाई मात्र थाहा छ।
आजदेखी स्वतन्त्र भएर कानुनी रुपमै आ-आफ्नो गन्तव्य तय गर्न बाटो खुलेको छ।
पत्नीका रुपमा अधिकारले मैले पाउने सम्पत्ति तिम्रै प्रगति र उन्नतिका लागि छोडेको छु।
तिमीलाई बाँकी जीवनको धेरै धेरै शुभकामना बिष्णु। (magh 29)
टिप्पणीहरू: