धेरै ढिला भयो जस्तो लाग्दैन, अब म आमा बन्छु : सामन्था

साउथकी लेडी सुपरस्टार सामन्था रुथ प्रभु प्रायः आफ्नो व्यावसायिक जीवन र व्यक्तिगत जीवनका कारण चर्चामा छिन् । आजकल उनको चर्चा वेब सिरिज ‘सिटाडेल ः हनी बन्नी’ ले बढाएको छ, जुन सिरिज धेरै दर्शकलाई मन पर्ने सिरिजको रुपमा दर्ज छ ।

अभिनेत्रीले सन् २०१७ मा साउथका चर्चित अभिनेता नागा चैतन्यसँग विवाह गरेपनि २०२१ मा दुवैको सम्बन्ध विच्छेद भएको थियो । सम्बन्ध विच्छेदपछि  सामन्था सिंगल छिन् भने उनका पूर्व पति नागा चैतन्य ((नागा चैतन्य) दोस्रो पटक बिहे गर्दैछन् । अविवाहित सामन्था आमा बन्न चाहन्छिन् । आफ्नो बच्चालाई बाल्यकालमा वञ्चित भएका सबै कुरा दिन चाहन्छिन् ।

जब सामन्था रुथ प्रभु र नागा चैतन्यको सम्बन्धविच्छेद भयो, उनीहरुका फ्यानहरु निकै निराश भएका थिए । त्यतिबेला भनिएको थियो कि सम्बन्ध विच्छेदको सट्टामा समन्थाले नागा चैतन्यसँग २५० करोड भारु मागेकी थिइन् । तर, करण जोहरको शो ‘कफी विथ करण’ मा सामन्थाले २५० करोड भारु लिएको खबरलाई अस्वीकार गरेकी थिइन् ।

सामन्थाले आफ्नो विवाह र सन्तानको बारेमा पनि कुरा गरेकी थिइन्, उनले बिहे गरेको ६ महिनापछि नै बेबी प्लानिङ सुरु गरेको बताएकी थिइन् । अभिनेत्रीका अनुसार उनको बच्चा उनको लागि सबै कुरा हुनेछ र उनले बाल्यकालमा नपाएका सबै कुरा उनलाई दिनेछिन् ।

नागा चैतन्यसँग अलग भएपछि सामन्थाले फेरि एकपटक बच्चाको बारेमा कुरा गर्दै आमा बन्न चाहेको बताएकी छन् । अभिनेत्रीले भनिन– ‘धेरै ढिलो भयो जस्तो लाग्दैन ।  अझै पनि मनमा आमा बन्ने सपना छ । म आमा बन्न चाहन्छु र म सधैं आमा बन्न चाहन्छु, किनकि यो धेरै सुन्दर अनुभव हो । म आमा बन्न निकै उत्साहित छु ।’

उनी अगाडी भन्छिन् ‘मानिसलाई उमेरको चिन्ता हुन्छ तर मलाई लाग्छ, जीवनमा यस्तो समय आउँदैन जब तपाईं आमा बन्न सक्नुहुन्न ।’ यसअघि अभिनेत्रीले नागा चैतन्यलाई पनि सन्तान चाहेको बताएकी थिइन् तर आमाबुवा बन्नुअघि नै उनीहरुको सम्बन्धमा दरार आएको थियो र उनीहरु दुवैको सम्बन्धविच्छेद भएको थियो ।

आर्थिक समस्याका कारण पढाइ छाडेर अभिनयतर्फ लाग्नुपरेको बेला सामन्थाले एकपटक आफ्नो जीवनमा कठिन अवस्था आएको बताएकी थिइन् । उनले कफी विथ करणमा आफ्नो बुवाले ऋण तिर्न बाध्य भएको भन्दै पैसा कमाउनका लागि अभिनयमा लागेको बताएकी थिइन् ।