नयाँ पिँढीलाई यहीँ अवसर छ भनेर सम्झाउनुपर्छ : प्रधानमन्त्री

 काठमाडाैं । प्रधानमन्त्री केपी शर्मा ओलीले नयाँ पिँढीलाई यहीँ अवसर छ भनेर सम्झाउनु पर्ने बताएका छन् ।

बिहीबार प्रतिनिधीसभा बैठकमा सांसदहरुकाे प्रश्नकाे जवाफ दिँदै प्रधानमन्त्री ओलीले हामीले नयाँ पिढीलाई यही अवसर छ भनेर बताउनु पर्ने बताए । 'अवसर नहुने बेग्लै कुरा हो, अवसर हुँदाहुँदै बाहिर जाने प्रवृत्ति राम्रो होइन ।' उनले भने । 

 केही विश्वविद्यालयहरु खाली हुँदै गएकाे, क्याम्पसहरु खाली हुँदै गएकाे विद्यालयबाट उत्र्तीण हुने बित्तिकै बाहिर जाने क्रम रहेकाे प्रति प्रधानमन्त्री ओलीले कतिपय ठाउँहरुमा विद्यालयमा भर्ना संख्या घट्दो भएकाे स्वीकारे । तर, नेपालकाे पढाइ अत्यन्तै कमजोर छ भनेर आफुलाई  हिनताबोधीग्रन्थीमा राखिरहन नहुने धारणा राखे ।  'हाम्रो देशको पढाइ त्यस्तो नराम्रो अथवा दुनियाँमा प्रतिस्पर्धा गर्नै नसक्ने खालको छैन । फि स्टक्चर अन्त कहींभन्दा सस्तो छ ।' उनले भने 'बाहिर गएर यहाँको भन्दा ठूलो शुल्क तिरेर खर्च गरेर पढ्नु पर्ने हुन्छ । यहाँ त्यही शिक्षा, त्यसै लेवलको, त्यही कोर्स पढ्न बाहिर जानु हुँदैन । त्यही कुरा हामीले नयाँ पिढीलाई सुशिक्षित गर्न जरुरी छ । देशलाई माया गर्ने कुरा सिकाउनुपर्छ, आफ्नो देश बनाउने कुरा सिकाउनु पर्छ ।'

बाहिर जाने प्रवृत्ति अथवा बाध्यता र परिस्थितिलाई रोक्नका लागि सरकार गम्भीर रहेकाे बताए । सरकराले विभिन्न प्रकारका कार्यक्रमहरु ल्याइराखेको छ भन्दै प्रधानमन्त्री ओलीले  अहिले युवाहरुलाई रोजगारीको मात्रै होइन, उद्यमशीलताको कुरा गरिरहेका बताए । 'हामील उद्यमशील हुन सिकाइरहेका छौं र उद्यमशील हुन मद्दत पनि गरिरहेका छौं । उद्यमशील हुनका लागि आवश्यक पर्ने आर्थिक प्रबन्धको कुरा होस् अथवा प्राविधिक प्रबन्धका जस्ता कुराहरुमा सरकारले सघाइ पनि रहेको छ ।'