सिरहा । सिरहाको औरही गाउँपालिका–५ स्थित विष्णु महायज्ञ गर्न घर भत्काएर उठीबास लगाएको दलित (डोम) परिवारमाथि पिडक पक्षले धम्कि दिन थालेका छन् ।

महायज्ञ गर्न आएका बाबाको निर्देशनमा गाउँपालिका अध्यक्ष शिवजी यादव र जनमत पार्टीका गाउँपालिका समिति अध्यक्ष दिलिप यादवले डाेजर लगाएर दिपक मरिक (डोम)को घर भत्काएर उठीबास गराएको समाचार प्रकाशित भएपछि पीडित परिवारलाई धम्की दिन सुरु भएकाे हाे ।

बुधबार पीडित दिपककी श्रीमती अनिता मरिकले आफूहरू बस्दै आएको घर भत्काएर अन्यत्र सर्न लगाइएको बताएकी थिइन् । मरिक परिवार वर्षौंदेखि बस्दै आएको सो स्थानमा भने महायज्ञको तयारी गरिएको छ ।

अहिले पीडित परिवारलाई गाउँपालिका अध्यक्ष शिवजी र जनमतका नेता दिलिपका समर्थकले धम्की दिँदै बयान फेर्न भनेका छन् ।

अहिले पीडित अनिता मरिकलाई महायज्ञ स्थलमा रहेको एउटा घरमा थुनेर राखिएकाे छ  ‘म आफैँ यहाँबाट अन्यत्र गएको’ भन्न लगाइएको छ । 

गाउँपालिका अध्यक्ष र जनमतका नेताको निर्देशनमा पीडित अनितालाई धम्की दिएर घटना ढाकछाेप गर्न लागेकाे स्थानियकाे आराेप छ ।

याे पनि

दलितहरूले न्याय खोज्दै अन्तर्राष्ट्रिय अदालत ‘हेग’ जानुपर्ने अवस्था नआओस्