तमन्नाको ब्रेकअप

मुम्बई । दक्षिण भारतीय नायिका तमन्ना भाटिए केही समयदेखि विजय बर्मासंग डेटिङमा थिइन् । भारतीय मिडियाले उल्लेख गरे अनुसार उनीहरुको ब्रेकअप भएको छ । मिडियामा उल्लेख भए अनुसार उनीहरु केही हप्ता पहिले छुट्टिएका थिए । तर, यस विषयमा दुबै जनाले कुनै प्रतिक्रिया दिएका छैनन् ।

उनीहरुले ब्रेकअपपछि पनि असल साथी बनिरहने प्रतिबद्धता जनाएको केही मिडियाले लेखेको छ । त्यसो त अहिले पनि सामाजिक सञ्जालमा एक अर्कालाई फलो गरिरहेका छन् ।

लास्ट स्टोरिज–२ को सुटिङको समय उनीहरु नजिकिएका थिए । त्यसो त तमन्नाको नाम विराट कोहली र पाकिस्तानी क्रिकेटर अब्दुल रजाकसंग पनि जोडिएको थियो ।