नताशाको सम्बन्ध विच्छेदपछिको पहिलो प्रेमदिवस

मुम्बई । क्रिकेटर हार्दिक पाण्डे र नताशा स्टेनकोविकको सम्बन्ध बिच्छेद भइसकेको छ । सम्बन्ध विच्छेदपछिको पहिलो प्रेमदिवस मनाउदैछिन् नताशा ।

प्रेम दिवसकै छेकोमा इन्स्टाग्राममा उनले एउटा क्रिटिकल पोष्ट गरिन् । जसका कारण उनका फ्यान हैरान भएका छन् । उनले लेखेकी छिन् ‘तिमी हराएका छैनौ । तिमी जीवनको एक असहज चरणमा छौ, जहाँ तिम्रो पुरानो छायाँ हराएको छैन र नयाँ जीवन पाउन पनि सकेका छैनौ । तिमी परिवर्तनको विचमा छौ ।’

यो पोष्टपछि उनका फ्यान यस कारण हैरान भए । उनीहरुले अझै भेउ पाउन सकेका छैनन् ‘यो कसका लागि लेखिएको हो । पुरानो प्रेमीका बारेमा हो या उनले नयाँ कोही भेटिन् ? कतिपयले यसो पनि भनेका छन् ‘उनलाई अझै हार्दिकको यादले छाडेको छैन ।

नताशा र हार्दिकले छ महिना अघि सम्बन्ध बिच्छेद घोषणा गरेका थिए । उनीहरु किन अलग भए अहिलेसम्म स्पष्ट जवाफ कसैले दिएको छैन । उनीहरुको एक छोरा पनि छन् ।