शुक्रबार, २२ चैत २०८१

नरेश खातीकाे ‘लभ पर्‍या छ’ बोलको नयाँ गीत बजारमा (भिडियोसहित)


काठमाडौं। गायक तथा सर्जक नरेश खातीकाे ‘लभ पर्‍या छ’ बोलको नयाँ म्युजिक भिडियो सार्वजनिक भएको छ ।

गायक खाती र गायिका सुमिरा गिरीको आवाजमा रहेको गीत मेक्सम-नरेश अफिसियल युट्युब च्यानलमार्फत सार्वजनिक गरिएकाे हाे ।

गीतमा खातीकै शब्द तथा संगीत, एचविएन किस्मतको संगीत संयोजन रहेकाे छ। बिक्रम चौहानको कोरियोग्राफी तथा निर्देशनमा तयार पारिएको भिडियोमा अभिनेता तेज गिरी र मोडल दिपा शाहीकाे अभिनय रहेकाे छ ।

प्रकाश खड्काले छायांकन गरेको यो भिडियोको सम्पादन मिलन विश्वकर्माले गरेका हुन् ।

उक्त भिडियोले युगल जोडीको प्रेम दर्शाउँछ । प्रेममा रहेको जोडीले आफूहरूको सम्बन्ध घर र समाजसँग लुकाउन गरेको आपसी समझदारी गीतमा सुन्न सकिन्छ ।

आफ्नो जीवन एकअर्कालाई सुम्पिने निर्णय गरिसकेका युवायुवती परिवारसँग भने डराएर सम्बन्ध गोप्य राख्ने गरेको नेपाली समाजको यथार्थलाई गीतले उठान गरेको छ ।

एकअर्कासँग नजिक भइसके पनि शारीरिक रुपमा नजिकिन हुन भने डराइरहेका युवायुवतीको कथा गीतमा सुन्न सकिन्छ । 


टिप्पणीहरू:



यो पनि तपाईंलाई मन पर्न सक्छ