संस्कृतमा स्नातक गरेकी मोनालिसा बिकीनी तस्विरले चर्चामा आउँछिन्

भोजपुरी नायिका मोनालिसा आज ४३ औ जन्मदिन मनाउदैछिन् । उनको जन्म २१ नोभेम्बर १९८२ मा कलकत्ता, पश्चिम बंगालमा भएको थियो । उनको असली नाम अन्तरा विश्वास हो ।

उनले आफ्नो स्कुलको शिक्षा कलकत्तामा रहेको जुलियन डे स्कुलबाट पुरा गरेकी थिइन् । मोनालिसाले कलकत्ता विश्वविद्यालयबाट संस्कृतमा स्नातक गरेकी छिन् । आज उनी भोजपुरी फिल्म उद्योगको एउटा विशिष्ट व्यक्तिका रुपमा चिनिन्छिन् । फिल्मको अतिरिक्त हिन्दी टेलिभिजनमा पनि काम गरेकी छिन् ।

मोनालिसाको करिअर १६ वर्षको उमेरमा सुरु भएको थियो । उनले भोजपुरी, तेलुगु र हिन्दी फिल्ममा काम गरेकी छिन् । उनी अभिनय र डान्सका लागि प्रसिद्ध मानिन्छिन् । त्यसो त भोजपुरी फिल्मको बोल्ड अभिनेत्री पनि हुन् । उनी निकै महंगो पारिश्रमिक लिन्छिन् । फिल्ममा मात्रै होइन । सामाजिक सञ्जालमा पनि पनि उनको बोल्ड शैलिका तस्विरले काफी चर्चा पाउछ । उनका बिकीनी तस्विर अहिले पनि बेला बेलामा चर्चाको विषय बन्ने गरेको छ ।

भारतीय मिडियाले उल्लेख गरे अनुसार उनी एउटा फिल्ममा काम गरेको २० लाख भारु पारिश्रमिक लिन्छिन् । टिभि सोमा प्रति एपिसोड ५० हजार लिने गरेकी छिन् ।

उनका नागिन्, ससुरा बडा पैसावाल, प्रेम लीला, चर्चामा आएका फिल्म हुन् । अहिलेसम्म १२५ बढी फिल्ममा अभिनय गरेकी छिन् । उनी बीग बोस १० मा सहभागी भएकी थिइन् । उक्त शोमा उनका पार्टनर थिए बिक्रान्त सिंह राजपुत । शोको दौरानमै उनीहरुको विवाह भएको थियो ।