मिना कुमारी र कमल अमरोहीको प्रेमकथा अब फिल्ममा

बलिउड अभिनेत्री मीना कुमारी र चर्चित फिल्म निर्माता कमल अमरोहीको प्रेमकथा चाँडै नै फिल्मको रुपमा आउने भएको छ । ‘कमल और मीना’ नामको यो टाईमलेस लभ स्टोरीलाई सिद्धार्थ पी मल्होत्राले निर्देशन गर्नेछन्, जसले ‘महाराज’ र ‘हिचकी’ मा काम गरेका छन् ।

मीना कुमारी र कमल अमरोहीको फिल्मले उनीहरूको २० वर्षे यात्राको वर्णन गर्नेछ, उत्कृष्ट कृति, पाकीजाको साथ समाप्त हुनेछ । बिलाल अमरोही, सारेगामा र रोहनदीप सिंहद्वारा निर्मित यस फिल्मको सुटिङ २०२५ मा सुरु हुनेछ । फिल्मको संगीत एआर रहमानले गर्नेछन् । कास्टिङ विवरणहरू गोप्य राखिएको छ ।

संजय दत्तले कमल और मीनाको घोषणाको भिडियो साझा गरे ‘प्रिय साची र बिलाल, तपाईको नयाँ उद्यमको लागि सबैलाई शुभकामना । यो सफल रहोस् ।’ उनले लेखेका छन् । 

फिल्मको बारेमा, अभिनेता–निर्माता बिलाल अमरोही, (कमल अमरोहीका नाति)ले लेखेका छन् ‘ मेरो हजुरबुबा, कमल अमरोहीको पाकीजाहलाई पर्दामा ल्याउन पाउनु हाम्रो लागि ठूलो सम्मान हो । पौराणिक मीना कुमारी जीको कथा भारतीय सिनेमाको विरासतमा एक सुन्दर तर दुखद अध्याय हो ।’

उनले अगाडी भनेका छन् ‘मेरा हजुरबा हजुरआमा कमल साहब र मीनाजी बीच आदानप्रदान भएका ५०० भन्दा बढी हस्तलिखित चिठ्ठीहरूलाई  संरक्षण गर्ने मेरो बुबा ताजदार अमरोहीलाई विषेश धन्यबाद दिन चाहन्छु ।’ 

निर्देशक सिद्धार्थ पी मल्होत्राले यो अविश्वसनीय सत्य कथा निर्देशन गर्न पाउनु ठूलो सौभाग्य भएको बताए ।