शुक्रबार, २२ चैत २०८१

अनुराग बसुको फिल्मबाट निकालिएकी थिइन् कट्रिना


मुम्बई । कट्रिना कैफ अहिले बलिउडकी चर्चित मध्येकी एक नायिका मानिन्छिन् । तर, कुनै समय उनलाई फिल्ममा टिक्न धौ धौ परेको थियो ।

कट्रिनाले दिएको एउटा अन्तरर्वार्तामा आफुलाई अनुराग बसुले एउटा फिल्मबाट एक सट लिएर लिकालेको बताएकी छिन् । जुन फिल्ममा मुख्य भुमिका जोन अब्राहमले निर्वाह गरेका थिए । सन २००३ मा रिलिज भएको उक्त फिल्ममा कट्रिनाको सट्टा तारा शर्माले अभिनय गरेकी थिइन् । ‘जब म फिल्मबाट निकालिएँ मलाई लाग्यो अब मेरो करिअर सकियो अब उठ्न सक्दिनँ ।’ मिडियासँग कुरा गर्दै कट्रिनाले भनिन् ।

जतिबेला उनले अभिनय सुरु गरेकी थिइन् । उनलाई हेरेर केही निर्देशकले भनेका थिए ‘तिमी नायिका बन्न सक्दिनौं । तिम्रो कुनै पनि कुरा राम्रो छैन ।’ यस्ता प्रतिक्रिया सुनेपछि उनी एक्लै रोइन् पनि । सन २००३ मै कट्रिनाले हिन्दी फिल्म ‘बुम’ काम गरिन् । बुमको बक्स अफिस रिपोर्ट राम्रो भएन तर, कट्रिनाले त्यसपछि कहिल्यै पछाडी फर्केर हेर्नु परेन ।


टिप्पणीहरू:



यो पनि तपाईंलाई मन पर्न सक्छ