कंगनाको इमर्जेन्सीले कति कमायो दुई दिनमा ?

एजेन्सी । बलिउड अभिनेत्री कंगना रनौतको निर्देशनमा निर्माण भएको चलचित्र ‘इमर्जेन्सी’ शुक्रबारदेखि हलमा रिलिज भएको छ । पहिलो दिन दर्शकलाई हलसम्म तान्न फिल्मले निकै संघर्ष गरे पनि शनिबार राम्रो प्रदर्शन गर्न सफल भयो ।

बक्स अफिस रिपोर्ट अनुसार उक्त फिल्मले शनिबार भारतमा लगभग ३.५० करोड नेट कमाई गरेको छ । रातीको शोहरुमा दर्शकको उपस्थिती राम्रो थियो ।

प्रदर्शनको दोस्रो दिन इमर्जेन्सीको कुल कमाई ६ करोड रुपैयाँ पुगेको छ । अजय देवगनका भतिजा अमन देवगन र रविना टन्डनकी छोरी राशि थडानी अभिनीत फिल्म ‘आजाद’ सँगै इमर्जेन्सी प्रदर्शनी भएको थियो तर, आजादको इमर्जेन्सी प्रतिस्पर्धी नभएको फिल्म विश्लेषकको भनाई छ । आजादले आफ्नो दोस्रो दिन, शनिबार १.५० करोड कमाएको छ ।

कंगनाको करिअरका लागि पनित इमर्जेन्सी एउटा महत्त्वपूर्ण फिल्म हो, किनकि लामो समय भयो उनको हिट फिल्म नआएको । इन्डिया टुडेकी साना फरजीनले फिल्मलाई २.५ स्टार रेटिङ दिएकी छिन् ।

यस फिल्ममा जसमा अनुपम खेर र श्रेयस तलपदे पनि मुख्य भूमिकामा छन्, पूर्व प्रधानमन्त्री इन्दिरा गान्धीले देश इमर्जेन्सी लागु गरेको समय सन १९७५–१९७७ को घटनाक्रम समेटिएको छ ।