इमर्जेन्सी मैले काम गरेको मध्येको उत्कृष्ट : कंगना

मुम्बई ।  बोल्ड अभिनयकै कारण चर्चित बलिउड नायिका  कंगना रनौत े आगामी फिल्म ‘इमर्जेन्सी’ बाट फेरि एकपटक दर्शकलाई मोहित पार्ने तयारीमा छिन् । उक्त फिल्लमा उनले भारतका पूर्व प्रधानमन्त्री इन्दिरा गान्धीको भूमिका निभाएकी छिन् ।  

फेसन, क्वीन, तनु वेड्स मनु रिटर्न्स, र मणिकर्णिकाः द क्वीन अफ झाँसीमा आफ्नो भूमिकाका लागि चारवटा राष्ट्रिय अवार्ड जितिसकेकी कंगनाले हालसालै एक अन्तर्वार्तामा आफूले इमर्जेन्सीलाई अहिलेसम्मको सबैभन्दा राम्रो काम गरेको बताएकी छन् । ‘इन्दिरा गान्धी मेरो अहिलेसम्मको उत्कृष्ट काम हो ।’ उनले भनिन् । 

कंगनाकै लेखन र निर्देशन रहेको इमर्जेन्सीमा अनुपम खेर, महिमा चौधरी, मिलिन्द सोमन, श्रेयस तलपडे, विशाक नायर, र स्वर्गीय सतीश कौशिक लगायतका कलाकारहरू पनि मुख्य भूमिकामा छन् । जी स्टुडियो र मणिकर्णिका फिल्म्सले निर्माण गरेको यस चलचित्रमा रितेश शाहको पटकथा र संवाद रहेको छ भने संगीत संचित बलहारा र जीभी प्रकाश कुमारको रहेको छ ।