गोबिन्दा र सुनिताको कुरा मिल्यो

मुम्बई । बलिउड अभिनेता गोबिन्दा र उनकी श्रीमती सुनीता आहुजाविच कुराकानी मिलेको छ । गोबिन्दाका वकिल ललित बिंदलले अव कुनै विवाद बाँकी नरहेको जानकारी दिए ।

उनका अनुसार सुनिताले छ महिना अघि नै भारतका फेमिली कोर्टमा मा सम्बन्ध बिच्छेदका लागि निवेदन दिएकी थिइन् । तर, उनीहरुविच मिलापत्र भएको छ । वकिलका अनुसार अंग्रेजी नयाँ वर्षको अवसरमा गोबिन्दा दम्पत्ति नेपाल गएका थिए । उनीहरु दुबैले पशुपति नाथ मन्दिरमा पूजा आजा पनि गरेका थिए ।

केही भारतीय मिडियाले ६१ वर्षिय गोबिन्दाको ३० वर्षीय मराठी अभिनेत्रीसंग अफेयर सुरु भएको सोही कारण विवाहको घठ वर्ष पछि सुनिता र उनको सम्बन्ध विच्छेद हुन लागेको चर्चा गरेका थिए । तर, यस विषयमा सुनिताको कुनै टिप्पणी सार्वजनिक भएको छैन ।

गोबिन्दाका मेनेजर शशि सिन्हाले भने दैनिक भास्करसंग कुरा गर्दै गोबिन्दाले फिल्म बनाउन लागेकाले पब्लिसिटी स्टन्ट मात्रै भएको बताए । उनका अनुसार फिल्म बनाउने कुरामा सुनिता सहमत थिइनन् । त्यसो त गोबिन्दाका भान्जा कमेडियन कृष्ण अभिषेकले पनि उनीहरुको सम्बन्ध सुमधुर भएको जानकारी दिए ।