बालेन शाहले हटाएका प्रमुख प्रशासकीय अधिकृत गुरागाईं ३ महिनापछि कार्यालय पुगे

काठमाडौं । काठमाडौं महानगरपालिकाका मेयर बालेन शाहले हटाएका प्रमुख प्रशासकीय अधिकृत सरोज गुरागाईं कार्यालय पुगेका छन् ।

३ महिनापछि बिहीबार हाजिर हुन उनी महानगरको कार्यालय पुगेका हुन् ।

गुरागाईंलाई रोक्न महानगर प्रहरीसमेत खटाइएको थियो । तर महानगरका कर्मचारीहरूले नगरप्रहरीको अवरोधका बिच उनलाई कार्यालय पुर्‍याएका हुन् । 

मेयर बालेनले गुरागाईंले नक्सा पासमा अनियमितता गरेको भन्दै गत पुसमा हटाएका थिए । त्यसपछि नियुक्त भएका निमित्त प्रमुख प्रशासकीय अधिकृत गोविन्दप्रसाद शर्माले पनि राजीनामा दिएका थिए ।

महानगर प्रमुख प्रशासकीय अधिकृतविहीन हुँदा आफूहरूले तलब नपाएको भन्दै कर्मचारीहरू आक्रोशित बनेका थिए ।