बालेनको पारिश्रमिक कति ?

काठमाडौं । बुधबारदेखि  प्रदर्शनमा रहेको चलचित्र ‘लाजशरणम’ अहिले चर्चामा छ । चलचित्रको विषयवस्तु भन्दा पनि काठमाडौं महानगरपालिका प्रमुख बालेन शाहले गीत पाएपछि उक्त फिल्मको चर्चा थप चुलिएको हो ।

कुमार कट्टेल जिग्रीको निर्देशन रहेको उक्त फिल्ममा बालेनले गीत गाएवापत कति पारिश्रमिक पाए होला धेरैलाई जिज्ञासा लागेको हुन सक्छ । बालेनले उक्त गीत गाए वापत महंगो पारिश्रमिक लिने भएका छन् । तत्काल कुनै रकम नलिएका बालेनले नाफाको पाँच प्रतिशत लिने सम्झौता गरेका छन् । 

सामान्य त फिल्मले १० करोड नाफा कमायो भने बालेनले ५० लाख पारिश्रमिक पाउने छन् । कुनै पनि फिल्मले जति ब्यापार गर्छ त्यसको आधा हिस्सा हल सञ्चालकले पाउछन् भने आधा निर्माताले । यदि फिल्मले २० करोड व्यापार ग¥यो भने बालेनले ५० लाख हाराहारी पारिश्रमिक पाउने छन् ।

फागुन १४ गते शिवरात्रीको दिनदेखि प्रदर्शन हुने उक्त फिल्ममा विजय बराल, सिताराम कट्टेल, विजय लामा, सागर लम्साल ‘बले’ हरि निरौला, मुकुन्द श्रेष्ठ, अर्जुन घिमिरे ‘पाँणे’ कमलमणी नेपाल, प्रियना आचार्यलगायतका कलाकारले अभिनय गरेका छन् ।