अरुणिमाको दोस्रो विवाह पनि टुट्ने संकेत

काठमाडौं । गायिका एलिना चौहानले श्रीमानसंग सम्बन्ध विच्छेदका लागि अदालतमा मुद्दा दायर गरेको दुई दिन पछि अमेरिका बस्दै आएकी नायिका अरुणिमा लम्सालले पनि बैबाहिक सम्बन्ध टुट्न लागेको संकेत गरेकी छिन् ।

सुनसरीको चतरा घर भएका नेपाली कांग्रेसका नेता समेत रहेका युवराज श्रेष्ठसंग दोस्रो पटक विवाह गरेकी अरुणिमाले सम्बन्ध खराब रहेको संकेत गरेकी छिन् । इन्स्टाग्राममा दुबैले एक अर्कालाई अनफ्लो गरेपछि उनीहरुको सम्बन्ध बिग्रिएको अनुमान गरिएको हो । यद्यपि यस विषयमा अरुणिमाले कुनै प्रतिक्रिया जनाएकी छैनन् ।

२०६२ मा विराटनगरका अमित अर्यालसंग प्रेम विवाह गरेकी अरुणिमाको ०७० सालमा अमितसंग औपचारिक रुपमा सम्बन्ध बिच्छेद भएको थियो । ०६८ सालमा छोरी जन्मिएपछि सल्लाहले अमेरिका गएको अमित र अरुणिमाको अमेरिका पुगेपछि सम्बन्धमा खटपट सुरु भएको थियो । अन्तत उनीहरु छुट्टिए नै । 

केही समय सिंगल बसेकी अरुणिमाले गत भदौमा युवराज श्रेष्ठसंग विवाह गरेकी थिइन् । विवाहपछि दुबै जना अमेरिका जाने भनिएपनि अरुणिमा अमेरिकामा छिन् भने युवराज नेपालमै छन् ।