बिहिबार, २१ चैत २०८१

ऐश्वर्या रायको गाडी दुर्घटना


मुम्बई । बलिउड नायिका ऐश्वर्या राय बच्चनको कार दुर्घटना भएको समाचार अहिले सामाजिक सञ्जालमा भाइरल भएको छ । यो दावी पापराजी पेजमा सार्वजनिक भएको हो । उक्त घटनामा कुनै हानी नोक्सानी नभए पनि इन्टरनेटमा चर्चाको विषय बनेको छ ।

पापाराजी वीरेन्द्र चावलाले आफ्नो सोसल मिडिया ह्याण्डलमा एक भिडियो शेयर गरे । जहाँ ऐश्वर्या राय बच्चनको लाग्जरी कार र कारको पछाडी एउटा बस देखिन्छ । क्याप्सनमा लेखेका छन् ‘अप्रत्याशित दुर्घटना । एउटा बसेले ऐश्वर्याको कारलाई ठक्कर दियो ।’

भिडियोमा देखिन्छ । घटना हुने बित्तिकै प्रहरी आइपुग्छ । बस रोक्छ तर, ऐश्वर्याको कारलाई अगाडी जाने अनुमति दिन्छ । भिडियोमा स्पष्ट देखिन्छ दुर्घटनामा कसैलाई कुनै चोट लागेको छैन । तर, पनि सामाजिक सञ्जालमा खबर भाइरल बनेको छ ।


टिप्पणीहरू:



यो पनि तपाईंलाई मन पर्न सक्छ