उर्जा उत्पादनको क्षेत्रमा भएका अप्ठ्यारा कांग्रेसले हटाउछ : प्रमुख सचेतक

काठमाडौं । नेपाली कांग्रेसका प्रमुख सचेतक श्यामकुमार घिमिरेले उर्जा उत्दकले भोग्दै आएका सबै समस्या कांग्रेस नेतृत्वले समाधान गर्ने बताएका छन् ।

आर्थिक पत्रकार संघ (नाफिज)ले मंगलबार काठमाडौंमा आयोजना गरको ‘जलविद्युत लगानी शेयर व्यवस्थापन र चुनौती’ विषयका कार्यक्रममा बोल्दै लेखासमिति सदस्य समेत रहेको घिमिरेले नेपालका उर्जा उत्पादकले भोग्दै आएको समस्याबारे आफु जानकार भएको भन्दै समाधानको पहल गर्ने आश्वासन दिए ।

मुलुकमा आर्थिक उदारीकरणको प्रथम चरणको सुरुवात कांग्रेस नेतृत्वकै सरकारले गरेको भन्दै उनले कांग्रेस जहिल्यै निजी क्षेत्रको पक्षमा रहेको धारणा राखे ‘विश्वका जुनसुकै मुलुक पनि निजी क्षेत्रकै प्रयाशमा बनेको हो अमेरिका होस् या युरोप ।’ उनले भने ‘निजी क्षेत्र भनेको जनता हो, जनताको उपस्थिती भएपछि मात्रै देश बन्छ ।’

कांग्रेसको प्रथम चरणको अभियानले मुलुकमा औद्योगीकरण सुरु भएको भन्दै घिमिरेले भयो निजी क्षेत्रलाई प्रोत्साहन गर्ने कुरामा कांग्रेस कहिल्यै पछि नहट्ने धारणा राखे ।

धितोपत्र बोर्डलाई लेखासमितिले निर्देशन दिन नमिल्ने बताउदै विवादित निर्देशनको बारेमा थप बुझ्ने धारणा राख्दै भने ‘धितोपत्र बोर्डलाई हामीले निर्देशन दिन मिल्दैन हामीले सरकारलाई दिने हो । त्यो विषयमा कसरी निर्देशन जारी भयो म बुझ्छु र छलफल गर्छु ।’