याे देशकाे समस्या तीन दलका तीन नेता : बाबुराम भट्टराई

काठमाडाैं ।  नेपाल समाजवादी पार्टी (नयाँ शक्ति)का अध्यक्ष डा. बाबुराम भट्टराईले नेपालको समस्या तीन ठूला दलका नेता भएकाे बताएका छन् ।

नेपाली काङ्ग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डलाई सङ्केत गर्दै भट्टराईले यस्तो बताएका हुन् ।

प्रत्यक्ष निर्वाचित राष्ट्रपतिको वकालत गर्दै पार्टीले गरेको प्रदर्शनलाई सम्बोधन गर्दै उनले  नेपालकाे समस्या भनेको तीन टाउकारुपी वैद्य भएकाे टिप्पणी गरे। 'जो पालैपालो ११ पटक सरकारमा बसिसके । उनीहरु ५० चोटी दोहोरिए पनि देशको समस्या समाधान हुनेछैन । झन् बढ्छ । त्यसकारण नेपाललाई आधुनिक खालको शल्यक्रिया आवश्यक छ ।' उनले भने ।

उनले पूर्वराजा पक्षधरको गतिविधिलाई महत्व दिन नहुने भन्दै यसलाई धेरै बढाइचढाई गर्नुकाे अर्थ नभएकाे बताए । डा भट्टराइले लामाे समयदेखि जनलाेकपाल विधेयक गठनकाे माग गर्दै आएका छन् ।