दुर्गा प्रसाईलाई थुनामुक्त गर्न अदालतले दिएन आदेश

 काठमाण्डाै, ८ भदाै ।   मेडिकल व्यवसायी दुर्गा प्रसाईंलाई थुनामुक्त गर्न सर्वोच्च अदालतले अस्वीकार गरेको छ। न्यायाधीश प्रकाशमान सिंह राउतको इजलासले प्रसाईंका छोरा निराजन प्रसाईंले दायर गरेको बन्दी प्रत्यक्षीकरणको रिट निदेवनमा सुनुवाइ गर्दै कारण देखाउ आदेश जारी गरेको हो। 

प्रसाईंले आफूलाई गैरकानुनी रुपमा थुनामा राखिएको दाबी गर्दै तत्काल रिहाइका लागि अन्तरिम आदेश माग गरेका थिए। रास्वपा केन्द्रीय सदस्य टीका संग्रौला (ज्वाला) लगायतले साइबर क्राइमको आरोपमा प्रसाईंविरुद्ध जाहेरी दिएका थिए। सोही जाहेरीका आधारमा प्रहरीको साइबर ब्युरोले गत आइतबार उनकै निवास भक्तपुरबाट पक्राउ गरेको थियो। 

यता प्रसाई समर्थकले भने माइतीघरमा प्रदर्शन जारी राखेका छन् । दुर्गा प्रसाईलाई स सम्मान रिहा गर लेखेकाे प्ले कार्डसहित उभिएका प्रदर्शनकारीहरुले अन्य विभिन्न माग राखेका छन् ।