दिल्लीको नवौँ मुख्यमन्त्रीमा रेखाले लिइन् शपथ

नयाँ दिल्ली । नयाँदिल्लीकाे मुख्यमन्त्रीमा नियुक्त  रेखा गुप्ताले पद तथा गोपनीयताको शपथ लिएकी छन् ।

दिल्लीको रामलीला मैदानमा आयोजित शपथ ग्रहण समारोहमा दिल्लीका उपराज्यपाल विनयकुमार सक्सेनाले गुप्तालाई पद तथा गोपनियताको शपथ गराएका हुन् ।

गुप्तासँगै ६ जना मन्त्रीहरूले पनि शपथ लिएका छन् । नवनियुक्त मन्त्रीहरुमा अरविन्द केजरीवाललाई हराउने प्रवेश वर्मा, आशीष सूद, मनजिन्दर सिंह सिरसा, रवीन्द्र इन्द्राज सिंह, कपिल मिश्रा र पंकजकुमार सिंह रहेका छन् । प्रवेश वर्माले उपमुख्यमन्त्रीको शपथ लिँदा अरुले मन्त्रीको शपथ लिएका हुन् । बुधबार साँझ बसेको भाजपा विधायक दलको बैठकले रेखालाई  मुख्यमन्त्री बनाउने निर्णय गरेकाे थियाे ।

हालै सम्पन्न दिल्ली विधानसभा चुनावमा बहुमत ल्याउँदै भाजपा २७ वर्षपछि  सत्तामा फर्किएको थियाे ।