प्रधानमन्त्रीविरुद्ध नारावाजी हुने डरले सुर्खेतमा सडक खाली गराइयाे, स्थानीयले हर्न बजाएर गरे विरोध

सुर्खेत । प्रधानमन्त्री केपी शर्मा ओलीविरुद्ध नारावाजी हुने डरले प्रशासनले सडक खाली गराउँदा स्थानीयले विरोध गरेका छन् ।

मध्यपश्चिम विश्वविद्यालयको दीक्षान्त समारोह, कर्णाली प्रदेश सभामा सम्बोधन, रंगशाला अवलोकनलगायतका कार्यक्रम तय गरेर उनी शुक्रबार सुर्खेत पुगेका हुन् ।

प्रधानमन्त्री पुगेपछि सुर्खेत विमानस्थलबाट रत्न राजमार्ग हुँदै दैलेख चोकसम्म सडक खाली गराइएको थियो ।

केहीबेर सवारी आवागमनसमेत अवरुद्ध भएपछि स्थानीयले विरोध गरेका छन्।

प्रधानमन्त्री सहभागी हुने कार्यक्रममा ओलीको चर्को विरोध हुन थालेपछि प्रशासनले कडाई गर्न थालेको छ ।

केही दिनअघि केपी कप खेल हेर्न रंगशाला पुगेका दर्शकले प्रधानमन्त्री ओलीविरुद्ध नारा लगाएका थिए ।