माघ महिनामा १३७ अर्ब रुपैयाँ रेमिट्यान्स भित्रियाे

काठमाडौँ ।  मंसिर तथा पुसमा घट्दै गएको रेमिट्यान्स माघ महिनामा फेरी बढेकाे छ । माघ महिनामा  १३७ अर्ब रुपैयाँ रेमिट्यान्स भित्रिएकाे नेपाल राष्ट्र बैंकले जनाएको छ । 

राष्ट्र बैंकको तथ्यांकअनुुसार माघ मसान्तसम्म विप्रेषण आप्रवाह ९०० अर्ब ५८ करोड रुपैयाँ पुगेको छ । पुस मसान्तसम्म यस्तो आप्रवाह ७६३ अर्ब ८ करोड पुगेको छ । योसँगै कुल वृद्धिदर ४.१ प्रतिशतबाट बढेर ७.३ प्रतिशत पुगेको छ । 

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत–नयाँ) लिने नेपालीको संख्या २ लाख ७४ हजार ६२२ र पुनः श्रम स्वीकृति लिनेको संख्या १ लाख ९० हजार ८८६ रहेको छ । दुवै संख्या अघिल्लो वर्ष भन्दा बढी हो ।