रुपन्देहीमा रवि लामिछानेमाथि थुनछेक बहस जारी

पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेमाथि थुनछेक बहस सुरु भएको छ।

जिल्ला अदालत रुपन्देहीका न्यायाधीश प्रल्हादकुमार योगीको इजलासमा लामिछानेको थुनछेक बहस सुरु भएकाे हाे।

बुटवलस्थित सुप्रिम बचत तथा ऋण सहकारी संस्थाको रकम अपचलन प्रकरणमा बयान दिन उनी बुधबार अदालतमा उपस्थित भएका थिए। बुधबार न्यायाधीश योगीको इजलास लामिछानेको बयान सकिएको थियो।

इजलासले आज अदालतमा उपस्थित हुने सर्तमा हाजिरी जमानीमा पत्नी निकिता पौडेल र कानुन व्यवसायीको जिम्मामा छाडेको थियो।

कास्की प्रहरी हिरासतमै रहेका बेला पक्राउ पुर्जी पाएपछि यसअघि उनलाई कात्तिक २७ गते बुटवल लगेर बयान गराइएको थियो।