रामेछाप बस दुर्घटना अपडेटः मृत्यु हुनेकाे संख्या १२ पुग्याे

रामेछाप। रामेछापकाे सदरमुकाम मन्थली नजिक बस दुर्घटना हुँदा मृत्यु हुनेकाे संख्या १२ पुगेको छ।

काठमाडौँबाट ओखलढुङ्गा जाँदै गरेको अरनिको यातायातको प्रदेश ०१–००५ ख ९९७५ नम्बरको बस मंगलबार मन्थली–६ मसानटारस्थित सडकबाट करिब ५० मिटर तल तामाकोशी नदीमा खसेको हो।

साे दुर्घटनामा मृत्यु हुनेको संख्या १२ पुगेको प्रहरीले जनाएकाे छ। दुर्घटनामा बसका चालकसहित ८ जना घाइते भएका छन्।

रामेछापका प्रहरी नायव उपरीक्षक भोला भट्टका अनुसार घाइतेको खुर्कोटस्थित शुभ जीवन अस्पताल, मन्थली अस्पताल र तामाकोशी अस्पतालमा उपचार भइरहेको छ।

बस चालकलाई प्रहरीले नियन्त्रणमा लिएको उनले बताए। बसका बाँकी यात्रुको अझै खोजतलाश जारी रहेको प्रहरीले जनाएको छ।