आज प्रधानमन्त्रीले दल र जेनजी प्रतिनिधीसँग छलफल गर्ने

काठमाडौं । आज सरकार, राजनीतिक दलका प्रतिनिधि र जेनजी अगुवाहरुबीच त्रिपक्षीय छलफल हुने भएकाे छ ।

प्रधानमन्त्री सुशीला कार्कीले  राष्ट्रिय मान्यता प्राप्त दलहरु र जेनजी अगूवालाई  एकै ठाउँमा राखेर छलफल गर्न लागेकी हुन् ।

बालुवाटारमा ४ बजे बैठक डाकिएको प्रधानमन्त्रीका प्रेस संयोजक राम रावलले जानकारी दिए ।

बैठकमा निर्वाचन सफल पार्ने र परिवर्तन संस्थागन गर्ने विषयमा छलफल हुने उनको भनाइ छ ।

बैठकमा जेनजीका तर्फबाट ९ वटा समूहका अगूवालाई निम्तो गरिएको छ । राजनीतिक दलका तर्फबाट दोस्रो तहका नेताहरु सहभागी हुनेछन् । काेकाे सहभागी हुने भन्नेमा दलहरुले सूची बनाउने भएका छन् ।