कुलमानलाई हटाएकाे विराेधमा संसद बैठक अवरूद्ध

काठमाडाैँ । प्रतिपक्षी दलहरुले प्रतिनिधिसभा बैठक अवरूद्ध  गरेका छन् ।

नेपाल विद्युत् प्राधिकरणकाे कार्यकारी निर्देशकबाट कुलमान घिसिङलाई हटाउने सरकारको निर्णयविरुद्ध प्रतिपक्षीले संसद बैठक अवरूद्ध गरेकाे हुन् ।

सभामुख देवराज घिमिरेले सभाको आजको बैठक सुरु गर्ने बित्तिकै प्रतिपक्षी दलका सांसदले उठेर विरोध जनाएका छन् । सभामुख घिमिरेले नेकपा (माओवादी केन्द्र) का सांसद शक्तिबहादुर बस्नेतलाई बोल्ने समय दिएका थिए ।

सांसद बस्नेतले परिवर्तित परिस्थितिप्रति सरकार बेखबर भएर स्वार्थ समूह एवं विचौलियाको हितमा लागि परेर नेपाल विद्युत् प्राधिकरणका कार्यकारी निर्देशकलाई हटाएको बताए ।

प्राधिकरणका कार्यकारी निर्देशक कुलमान घिसिङलाई हटाउने निर्णय फिर्ता हुनुपर्ने बताउँदै यस विषयमा प्रधानमन्त्रीले जवाफ दिनुपर्ने बताए ।

सांसद बस्नेतले आफ्नो भनाइ सक्ने बित्तिकै प्रतिपक्षी सांसदहरुले पुनः उठेर विरोध जनाएका छन् ।