प्रतिपक्षी दलहरूकाे अवरोधले संसद बैठक स्थगित

काठमाडाैँ । प्रतिपक्षी दलहरूले अवरोध गरेपछि प्रतिनिधिसभाको बैठक आधा घण्टाकाे लागि स्थगित भएको छ।

सरकारले नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरेको विरोधमा विपक्षी दलहरूले अवरोध जारी राखेपछि सभामुख देवराज घिमिरेले बैठक आधा घण्टाकाे लागि स्थगित गरेका हुन् । 

बुधबार बैठक सुरु भएलगत्तै सबै विपक्षी दलका सांसदहरूले उठेर अवरोध गरेका थिए ।

विपक्षीहरूले अवरोध गरेपछि सभामुखले प्रमुख प्रतिपक्षी दल नेकपा (माओवादी) केन्द्रका सांसद शक्तिबहादुर बस्नेतलाई बोल्न समय दिए । उनले बाेलेपछि पनि प्रतिपक्षीले अवरोध जारी राखेपछि बैठक स्थगित गरिएकाे हाे ।